Во текот на декември, пријавени се два случаи потврдени на ХИВ, од машки пол, кои припаѓаат на возрасната група од 40-49 години. Регистриран е еден смртен случај од СИДА, пријавен како заболен во ноември, 2024 година, од машки пол, кој припаѓа на возрасната група од 20- 29 години, информираат од Институтот за јавно здравје (ИЈЗ).
-Согласно постоечката евиденција на пријавени случаи,заклучно со 31.12.2024, кумулативниот број на лица регистрирани со ХИВ/СИДА во Македонија, за периодот 1987–2024, изнесува 688, а од нив, согласно податоците со кои располага ИЈЗ: 130 лице починале, 554 лица живеат со ХИВ/СИДА, од нив четири лица се со непознат исход. Во групата на сексуално и крвно преносливи инфекции (без ХИВ/СИДА) се регистрирани 22 заболени лица (1,4%; I=1,2/100.000), и тоа пријавени се седум случаи на сифилис, шест случаи на вирусен хепатит Б, пет на вирусен хепатит Ц и четири на инфекција со Хламидија, информираат од ИЈЗ.
