Претпладнето во 9:25 часот во скопско Батинци се случила престрелка, при што почина 34-годишен жител на Црн врв, скопско, додека друг е повреден.
„На 01.07.2024 во 09,25 часот во СВР Скопје е пријавено дека во с.Батинци, скопско, две лица со патничко возило „мерцедес” пукале кон патничко возило „форд” во кое биле А.Б.И.(34) и З.И.(31), двајцата од с. Црн врв. На местото на настанот починал А.Б.И., а З.И. се здобил со повреди и е пренесен за укажување лекарска помош во Ургентен центар-Скопје. СВР Скопје во координација со Одделот за специјални полициски операции и Одделот за воздухопловни единици преземаат мерки и активности за пронаоѓање на сторителите и расчистување на случајот“, се вели во соопштението на МВР.
Двете возила биле со странски регистерски таблички, односно автомобилот „форд“, во кој бил починатиот, е со италијански регистерски таблички, додека автомобилот „мерцедес“ од кој две маскирани лица пукале со пиштол бил со германски таблички.
