Луѓето кои имаат сестри се поотворени и попристапни за комуникација и за нив не е проблем да ги споделат своите чувства. Тие исто така се пооптимистични и посреќни, посочуваат новите истражувања.
Научниците од Универзитетот Де Монфорт во Лестер, Англија и северноирскиот Универзитет Улстер анкетирале повеќе од 570 лица на возраст меѓу 17 и 25 години. Ним им биле поставени психолошки прашања на различни теми, меѓу кои и за психичкото здравје.
Еден од раководителите на истражувањето, професор Тони Касиди смета дека сестрите како индивидуи честопати го сплотуваат семејството, а пак, браќата имаат спротивен ефект.
– Ова се должи на фактот дека мажите имаат природна тенденција да не зборуваат за одредени лични работи, додека жените го охрабруваат тоа. Резултатите се, секако – подобро психичко здравје и посреќен живот, додава проф. Касиди.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)