„Гугл мапс“ добива неколку нови ажурирања, вклучително и едно дизајнирано да ви помогне да правите планови со пријателите.
Новата „социјална“ функција е дизајнирана да ви овозможи да го префрлите планирањето од групен разговор на Гугл Мапс. Ќе можете полесно да ја споделувате вашата локација, да планирате излети со пријателите и да гласате за групни активности.
Исто така, ќе биде можно да се создаде „список за соработка“, за да можете да почнете да планирате да се дружите откако ќе споделите локација со пријателите. Секој во групата може да додаде места за кои е заинтересиран, а потоа да гласа за нив.
Гугл вели дека новата функција ќе им овозможи на корисниците да планираат излети од почеток до крај, директно во апликацијата Мапи – на пример, можете да организирате зимски одмор на овој начин, објави Tech Crunch.
Новото ажурирање ќе се појави глобално на уредите со Андроид и iOS во наредните недели.
