Денеска се празнува Свети Илија, кај народот познат како Илија Громовник.
Роден е од племето Арон, од градот Тесвит, поради што бил наречен Тесвикијан, пророк со огнена вера и строг живот. Тој правел чуда за време на неговиот живот.
Според преданието, на Тавор, за време на Преображението Господово, тој заедно со Мојсеј им се јавил на апостолите. Бил однесен на рајот во огнени кочии, чувани од Бога во небесните населби. Тројцата свети апостоли го виделе Тавор, а обичните смртници повторно ќе го видат пред второто Господово доаѓање на земјата.
Свети Илија е присутен во Стариот и Новиот Завет како пророк чии карактеристики ги презело христијанството, поврзувајќи го со појавата на нова вера и новото Христово доаѓање.
Илија Громовник, како што уште го нарекуваат во народот, паѓа во најсушното и најтоплото време од годината. Се верува дека Илија е тој што одредува кога и каде ќе врне дожд, а кога ќе има суша. Поради тоа и денес во селските средини е зачуван обичајот да не се работи на нива на Свети Илија, за да не се нанесе гневот на светителот.
Меѓу народот има и поговорка дека „од Свети Илија сонцето е се помило“, што значи дека празникот го означува пресвртот и крајот на тропските летни денови. Постои и верување дека по свети Илија не треба да се капе во реки.
Се верува дека на овој ден е добро да се земе мед за здравје. Порано беше обичај мајките да ги мачкаат децата со мед за да бидат здрави цела година. Исто така, многу родители ги именуваат своите деца по овој светец бидејќи тој е симбол на сила и бестрашност.
Празникот се одбележува со црвена буква во календарот и се празнува литургиски и со осветување на славски колачи и жито.
