Минатата недела попладне улица во Неапол стана сцена на трагичен настан кој ја шокираше цела Италија.
На снимката од надзорните камери се гледа моментот кога статуата паѓа од зградата и ја удира Кјара Иаконис (30), која се движела по улица со своето момче.
По страотниот инцидент, Кјара била тешко повредена, а за жал два дена подоцна починала од тешки повреди на мозокот.
Додека двајцата ги носеле куферите и се упатувале кон аеродромот, Кјара ненадејно ја удрила статуа, соборувајќи ја на земја.
Во видеото може да се слушне реакцијата на нејзиното шокирано момче кое веднаш притрчало да и помогне.
Неговите возбудени извици и неверување дополнително ја нагласија драматичноста на ситуацијата.
Според информациите на италијанските медиуми, постои сомнеж дека две деца ја фрлиле статуата од терасата на станот.
Овие сознанија доведоа до апсење на родителите, додека властите спроведуваат истрага за расветлување на овој трагичен настан.
Деталите за овој трагичен случај цело време се предмет на медиумски и јавен интерес, додека истрагата продолжува.
Кјара Јаконис била менаџерка во луксузната модна куќа Прада, како што пренесуваат локалните медиуми.
Нејзината смрт предизвика тага и сочувство кај колегите, пријателите и големо негодување во јавноста.
Додека се истражуваат околностите на овој случај, властите изразија сочувство до семејството и пријателите на Кјара Јаконис, пренесува република.рс.
