Според неодамнешната проценка на Форбс, славниот Брус Спрингстин има вредност од 1,1 милијарда долари, по шестдецениска кариера во која објави 21 студиски албум, седум албуми во живо и пет EP, продавајќи над 140 милиони албуми ширум светот.
Во 2021 година, Спрингстин ги продаде своите авторски права и права на издаваштво на Sony Music во здружен договор вреден приближно 500 милиони долари.
Според магазинот Билборд, продажбата ѝ дала на компанијата сопственост на целиот каталог на музичарот, кој во тоа време се состоел од 20 студиски албуми, 300 песни, 7 EP-а, 23 албуми во живо и повеќе.
Спрингстин, исто така, продолжува да генерира приходи преку нови проекти.
Само оваа година, тој тргна на тримесечна турнеја низ Европа и Велика Британија, издаде специјално јубилејно 40 издание на неговиот албум „Born In The U.S.A“ од 1984 година и најави нов концертен документарец, пишува NME.
