Членот на Извршниот одбор на СДСМ, Андреј Петров денес гостува во емисијата на „Стадион“ на Канал 77, каде искрено проговори за моменталните проблеми во партијата, а даде и своја анализа за големиот пораз на претседателските и парламентарните избори.
Според него, се уште актуелниот лидер Димитар Ковачевски е најмалку крив за ваквите резултати, потенцирајќи дека главниот проблем е што СДСМ ја губи својата автентична идеологија, односно ја губи таргет групата кон која треба да се насочи со своите политики.
- СДСМ ја разбра пораката од гласачите. Очигледно ја губиме автентичноста и нашите гласачи не ги препознаваат нашите политики. Сепак, Димитар Ковачевски е најмалку крив за поразот, СДСМ нема таргет група кон која треба да се обрати, отказот на лидерот не значи и промена кон подобро, таков пример имавме и со заминувањето на Радмила Шеќеринска, можеби еден од најлошите потези кои ги дозволи членството на партијата, вели Петров.
Тој се осврна и за животниот стандард на граѓаните во земјава, но и немилосрдните политики на Европската Унија.
- Промената на името не го решава проблемот во институциите и корупцијата. За жал политиките на ЕУ ме разочараа и мене, но Македонија нема друга алтернатива. Неопходно е да се работи кон спроведување на стимулативни реформи со кои ќе се вратат граѓаните кои веќе заминале од земјава, односно да ги задржиме тие кои се уште живеат на оваа територија. Единствено со практични стратегии можеме да ја вратиме довербата особено кај младите генерации, кои веќе одамна се свесни за валканата политика во земјава, алармира Петров.
Целосното интервју со Андреј Петров, на линкот подолу.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Loading ...