Луиз Бредли (33) е мајка на две деца чија операција за намалување на желудникот во Турција за слабеење и го променила животот и го загрозила нејзиното здравје. Затоа сега ги предупредува другите да не го преземаат истиот ризик.
Луиз била пресреќна кога една клиника на брегот на Егејското Море и ја понудила процедурата за намалување на желудникот што ја сакала, бидејќи четири години била на листа на чекање во болницата NHS. Оваа жена разви артритис поради прекумерна тежина и сметаше дека операцијата на гастричен бајпас е најдобрата опција.
Платила 2.000 фунти и трајно го загрозила своето здравје. Наместо да и извади 75 отсто од желудникот, таа рече дека турскиот хирург отстранил 92 отсто. Луиз завршила на интензивна нега кога се врати дома во Манчестер. Сега ќе мора да јаде и да пие преку цевка до крајот на животот.
Таа зборуваше за Manchester Evening News за нејзиното искуство откако 38-годишната Лајн Мишел Лири почина по операција на желудникот во Турција.
@gastric.sleeve.survivor Replying to @coconoella ♬ original sound – Louise.B.NW
На 27 мај минатата година, Луиз имала операција која вклучувала сместување во хотел „ол инклузив“. Таа тврди дека хирургот и рекол дека операцијата била успешна и и потпишал да лета следниот ден.
„Не се чувствував добро – не можев ни да задржам вода, но хирургот ми рече дека е нормално и дека ќе се чувствувам подобро кога ќе се вратам дома во Велика Британија“, изјави Луиз.
„Се онесвестив за време на летот за дома, а на аеродромот во Манчестер ме пречека амбулантно возило и ме однесоа на интензивна нега во болницата Вајтеншоу.
„Бев префрлена во одделението за управување со тежината во Кралската болница во Салфорд и ми рекоа дека сум четвртата личност што ја виделе таа недела која се вратила од операција во Турција“, рече жената.
Луиз тврди дека скенирањето во кралската амбуланта Салфорд открило дека 92 отсто од нејзиниот желудник бил отстранет. Турскиот медицински тим и го пресекол хранопроводот, рече таа, што значи дека мускулите повеќе не работат и дека не може да голта без помош. Не може ни вода да голтне и единствена опција и е да се храни преку цевче до крајот на животот.
„Бев поздрава кога имав прекумерна тежина. Сега постојано влегувам и излегувам од болница и постојано имам стомачни болки и дијареа“.
@gastric.sleeve.survivor #gastricsleeve #gastricsleevecommunity #gstricsleevegonewrong ♬ original sound – Louise.B.NW
Луиз отвори свој налог на ТикТок, предупредувајќи ги другите луѓе за опасностите од патување во странство за операција, откако и се слошило од луѓето на платформата кои ги „слават“ овие опасни процедури.
Таа рече дека е „скршена“ кога слушнала за смртта на Лин и се плаши дека „нема да биде последна“ што ќе умре ако луѓето не се разбудат и не реагираат на опасностите од медицинскиот туризам.
Министерството за надворешни работи на Обединетото Кралство го издаде предупредувањето бидејќи се знае дека најмалку 24 британски државјани починале во Турција од јануари 2019 година по медицински процедури. Форин Офисот издаде соопштение:
„Индустријата за естетска хирургија, медицински и стоматолошки туризам е речиси целосно нерегулирана, а тоа има потенцијални ризици за оние кои патуваат од ОК.
(Курир.рс/ Нова)
