Норвежанецот Каспер Руд е последниот полуфиналист на Ролан Гарос, откако ја доби нордиската пресметка со Данецот Холгер Руне со 6:1/6:2/3:6/6:3.
24-годишниот Руд, кој е тренинг партнер на Рафаел Надал и лани загуби од Шпанецот во финалето во Париз, овојпат во полуфиналето ќе игра со Германецот Александер Зверев, кој една година по страшната повреда на зглобот, се врати меѓу најдобрите четири.
Во второто полуфинале ќе се судрат првите фаворити за титулата, светскиот рекет број 1, Карлос Алкараз и освојувачот на 22 гренд слем титули, Новак Ѓоковиќ.
