Со подготвени фотографии од две згради премиерот Христијан Мицкоски од собраниската говорница на седницата за пратенички прашања, изнесе тврдење дека партијата Левица на 26.11.2024 година, под цена купила простор во строгиот центар на Скопје. Се работи за 409 квадратни метри во Адвокатската улица, зад зградата на А1, по цена од 721 евро, за што партијата платила 295.000 евра. Тоа е, како што рече, трипати поевтино од пазарната вредност. Мицкоски потоа директно му се обрати на пратеникот и лидер на Левица Димитар Апасиев, наместо одговор на неговото поставено прашање.
-Зошто е ова кривично дело, професоре? Сега ќе ви кажам. Затоа што, Град Скопје ви пресметал данок од 709.000 денари. Ова кривично дело е преку Универзална инвестициона банка (УИБ). Што е заедничко на зградата на Соравија со УИБ? Извршителот Андреја Бунески е заеднички извршител. За Соравија јавното наддавање е закажано на 24 април – на 22,4 милиони евра е проценета зградата. Дали како што го купивте овој објект, како што сте неподмитливи, ќе наддавате и за некој од објектите во Соравија?, праша Мицкоски и ги повика институциите да ја истражат купопродажбата на имотот на Левица бидејќи, како што рече, Град Скопје тврди дека овој простор вреди најмалку 50% повеќе од сумата што е платена.
Апасиев на Мицкоски му се закани со тужба. Потегот наместо да одговори на пратеничко прашање премиерот да одговори со вадење на „валкана облека“ Апасиев го нарече „синдром на дива коза“ или „вербална дијареја“
„Купивме подрумски простории со приземје, затоа е таа цена. Да сум имал страв од вакви како вас, немаше да се занимавам со политика. А вие ќе добиете кривична пријава за попречување на правдата и стек на криви дела за оддавање на деловна тајна“. Ова го кажува премиер на најсиромашната европска земја, а доаѓа од партија која е најбогата во Европа, побогата и од партијата на Меркел. Партија која за „Белата палата“ само за струја плаќа 10.000 евра месечно“, рече Апасиев и му порача на Мицкоски да се скрие.
Димитар Апасиев бараше одговор за тековната истрага со пожарот во дискотеката во Кочани и додаде дека Мицкоски на денот на пожарот во Кочани се видел со обвинителот Гаврил Бубевски, за кој рече дека е од „тефтерчето на Горде“ .
-Обвинителот Гаврил Бубевски што сте го сретнале во Кочани во Обвинителството е со порепорака од ОК ВМРО ДПМНЕ Пехчево и се потпишани ваши 8 сопартијци од Пехчево.Гаврил, што вие го сретнавте, вие сте го препорачале од вашата партија, од тевтерчето на Горде да го вработат, рече Апасиев.
Во Собранието се пратенички праша, кои се одржуваат секој последен четврток во месецот, но поради неработењето на Собранието, беа одложени за овој четврток.
фото: Архива
