(Видео) Светот ја прослави новата 2025 година

5 мин читање
Фото: Твитер видео

Светот го почна своето патување во новата година.

Во Њујорк 2025 година се дочека со традиционалното „паѓање на топката“ на Тајмс Сквер додека конфети и дожд паѓаа врз насобраните стотици илјади луѓе.

Огромен број луѓе ја дочекаа Новата година со огномет и музика и во бразилската метропола Рио де Женеиро. Традиционалниот 12-минутен огномет почна на полноќ на познатата плажа Копакабана.

viber slika

Претходно, Европа, Азија и делови од Пацификот влегоа во 2025 година со спектакуларни огномети и собири на отворено.

Околу 60.000 славеници се собраа пред Бранденбуршката порта во Берлин каде огнометот го обои небото.

Во Париз, голем огномет на Шанзелизе привлече околу еден милион луѓе.

Обединетите Арапски Емирати ја дочекаа годината со огномет од највисоката зграда на светот Бурџ Калифа во Дубаи.

Во Пекинг се одржаа прослави во поранешна челичарница во западната периферија на градот, додека во Шангај, толпата се собра долж светски познатото шеталиште покрај реката и други локации.

Во кинескиот специјален административен регион Хонг Конг имаше голем огномет над пристаништето Викторија.

Новогодишната ноќ во Кина не се слави толку масовно како на други места, затоа што кинеската Нова година, според лунарниот календар, се смета за многу позначајна. Во 2025 година таа паѓа на 29 јануари.

Во Тајван беше изведено шестминутно шоу од огномет за илјадници гледачи од зградата Тајпеј 101, висока 509 метри. За прв имаше и светлосно шоу, рекоа организаторите.

Киритимати, остров во Тихиот Океан на кој живеат околу 5.000 луѓе, беше првото населено место што ја дочека Новата година, како и секоја година.

Оукланд беше првиот голем меѓународен центар кој ја пречека Новата година, а на полноќ блеснаа знаменитостите на најголемиот град во Нов Зеланд со шоу од светла, ласери и огномет.

Два часа подоцна, Сиднеј влезе во Новата година со својот светски познат огномет над пристаништето, следен од милиони луѓе дома и во странство.

Огномети со осветлија небата и над други поголеми австралиски градови, вклучувајќи ги Мелбурн, Бризбејн и Аделаида.

Во Бангкок, еден од најдобрите начини да види во шоуто беше од бавен брод на реката Чао Фраја. Тајланд, кој го следи будистичкиот календар, ја почна 2568 година.

Во Сингапур, илјадници луѓе го гледаа огнометот во Марина Беј.

Американска Самоа и Ниуе ќе бидат последните земји што ќе влезат во Новата 2025 година, цели 24 часа по Нов Зеланд. МИА

©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Тагови на веста: , ,

НАЈНОВИ вести

„Делеа корка леб во туѓина, па ги убија заедно“ – Милош и Мирко невини жртви во масакрот во Цетиње
Ги чека, но веќе нема да се вратат – Куче ги чека дечињата Јован и Вукан убиени во масакрот во Цетиње
Кромид, крема за брчки и тоалетна хартија, најразочарувачки подароци за Божиќ
Фон дер Лајен се разболела од тешка форма на пневмонија
„Лудаците живеат слободно, а нормалните ги погребуваат најблиските“ – Андрија Милошевиќ за масакрот во Цетиње
Студентите ќе се возат без пари, денес ќе бидат уплатени 120 милиони денари на ЈСП Скопје

Социјални медиуми

adbanner
Заборавена лозинка?