Водителката на радиото од Филаделфија, која го интервјуираше претседателот Џо Бајден на 3 јули, поднесе оставка по прашањата од неговиот тим.
Андреа Лофул Сендерс, која ја води емисијата „The Source“ на локалната радио станица WURD, му постави на Бајден четири такви прашања во интервјуто што го даде по првата претседателска дебата.
WURD, единствената радио станица во Пенсилванија во сопственост на црнци, рече дека интервјуто било договорено без знаење или консултација со раководството. Во изјавата, претседателката на WURD, Сара М. Лумакс, рече дека прашањата поднесени од тимот на кампањата „ја нарушуваат нашата практика да останеме независен медиум“.
WURD и Лофул Сендерс „заемно се согласија“ да се разделат- се вели во соопштението.
Друг радио водител кој исто така го интервјуираше Бајден во Милвоки рече дека и нему му биле поставувани прашања пред интервјуто, па затоа не можел да прашува сè што сака.
Портпаролот на кампањата на Бајден изјави за медиумите дека не е невообичаено за нив да споделуваат теми за разговор и дека Лофул Сендерс можела слободно да поставува други прашања.
-Ние не условуваме интервјуа со прифаќање на нашите прашања, а новинарите секогаш се слободни да поставуваат прашања за кои сметаат дека ќе ги дадат најдобрите информации за нивната публика, рече портпаролот на кампањата.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)