Секретарот за финансии на САД Џенет Јелен денеска ќе објави ново финансирање од 100 милиони долари за зголемување на понудата на станови со прифатливи цени, се вели во соопштението на Министерството за финансии.
Мерката е еден од неколкуте потези на министерството во обид да го реши недостигот на станови, што е извор на незадоволство од економската политика на претседателот Џо Бајден пред претседателските избори на 5 ноември.
Дополнителните 100 милиони долари во текот на три години доаѓаат од плаќањата што одделот ги добива од претходните инвестиции за заемодавци во заедницата за поддршка на малите бизниси, потрошувачите и проектите за достапно домување за време на пандемијата Ковид-19.
