Германските цариници во пристаништето Хамбург пронајдоа 137 килограми кокаин, вреден 14 милиони евра, што доведе до меѓународна полициска акција и апсење на девет српски државјани во Австрија.
Австриската полиција откри банда во Долна Австрија за која се верува дека шверцувала и продавала огромни количини дрога. На апсењето му претходеше откритие на северногерманската царина, која претходно во контејнер на товарен брод во Хамбург пронашла 137 килограми кокаин.
Според прес-конференцијата организирана од австриската полиција во петокот, дрогата од Боливија била скриена во дрвени даски. Шверцерите исекле 115 даски за да стават пакувања со кокаин во по шест комори.
За време на рутинска проверка на рендгенски снимки, цариниците во Хамбург ја откриле дрогата. Сепак, контејнерите беа повторно затворени и испратени до нивната крајна дестинација.
