Германија и ЕУ финансиски ќе поддржат проект за зелен транспорт во Тирана, со 81,2 милиони евра.
Договорот за финансирање го потпишаа министерот за финансии и економија Ервин Мете, градоначалникот на Тирана Ерион Велиај и директорката на KfW во Албанија, Брит Хоршке, вреден 50 милиони евра заем од германската влада и грант од 31,2 милиони евра, доделен од Фондот за инвестиции за Западен Балкан (WBIF).
Вкупната проценета вредност на проектот е 110,37 милиони евра. Остатокот од средствата, односно 29,17 милиони евра ќе го покрие општина Тирана.
-Проектот вклучува имплементација на систем за брз транзит со автобуси (Bus-Rapid Transit-BRT), со користење на батериски-електрични автобуси на три транспортни линии во Тирана. Целта на проектот е да се подобри обезбедувањето услуги во јавниот транспорт, како и да се намалат емисиите на CO2, објави министерот Мете на Фејсбук.
Проектот е во рамките на мерките што ги презема Владата за постигнување на целите за одржлив развој и заштита на климата и се се очекува да заврши на крајот на 2029 година.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)