Подваријантата Ерис на новиот коронавирус брзо се шири низ светот не затоа што е позаразна од неговите претходници, туку затоа што успева поефикасно да се бори против имунолошкиот систем на заразените, покажа студијата на специјалисти од германскиот центар за примати – Лајбниц Институт за истражување на примати во Гетинген. Ова го објави електронското издание „Медикал експрес“.
Експертите од институтот ги проучувале карактеристиките на подваријантата EG.5.1. Откриле дека не е поинфективен од неговите претходници, но може да ги неутрализира антителата. Ова ѝ дава предност на Ерис да може успешно да зарази луѓе чиј имунолошки систем произведува антитела против САРС-КоВ-2 како резултат на повторна инфекција или вакцинација. Резултатите од студијата се објавени во списанието „Lancet Infectious Diseases“.
-Најдовме докази дека зголемената способност за избегнување на антителата е веројатната причина за брзото ширење на Ерис, рече Маркус Хофман, шеф на истражувачкиот тим од специјалисти од Институтот за истражување на примати во Лајбниц, Медицинскиот факултет во Хановер и Универзитетот Фридрих-Александар од Ерланген – Нирнберг.
Бидејќи Eрис е поврзан со подваријантите XBB.1.9, може да се претпостави дека новите вакцини прилагодени на XBB ќе бидат ефективни и за подваријантите EG.5, рече Стефан Полман.
Откриено зошто новиот коронавирус брзо се шири низ светот
