Во ладилник се пренесени усмртените две мечиња со мајката, кои изутрината од ренџерската служба биле пронајдени во Националниот парк „Маврово“. Мечињата со мечката се најдени во крв едно до друго, фрлени во дива депонија.
На лице место излезе увидна екипа на МВР и инспекторските служби. Државниот инспекторат за животна средина (ДИЖС) соопшти дека во близина на селото Жировница (пред влезот во селото), пронајдени се отстрелани три мечки – женка со две мали мечиња.
-При вонредниот инспекциски надзор е изготвен Записник за констатација од страна на ДИЖС, при што ќе се води понатамошна инспекциска постапка. Телата на застреланите мечки се пренесени во посебен ладилник на ЈУ НП „Маврово“. Од страна на МВР се води посебна истражна постапка за пронаоѓање и санкционирање на сторителот, соопшти ДИЖС.
фото: ФБ ДИЖС
