Поглавaрот на Македонската православна црква (МПЦ)-Охридска архиепископија (ОА) г.г. Стефан и српскиот патријарх Порфириј, според најавите, денеска треба да отслужат света архиерејска литургија во манастирот Св.Јоаким Осоговски кај Крива Паланка.
– Значајно е да се забележи дека оваа година, прв пат после конечното добивање на Томосот за автокефалност на Македонската православна црква, со што целосно се заокружи сеправославното признавање на МПЦ, ќе имаме гости од повеќе помесни православни цркви. Така, оваа година, на 29 август светата литургија ќе започне во 9 часот на која на покана на нашиот владика г.Григориј, ќе служат неговата светост, српскиот патријарх г.г. Порфириј и неговото блаженство Архиепископот Охридски и Македонски г.г. Стефан, се наведува во соопштението од Кумановско-осоговската епархија.
