Утрово сите ги разбуди тажна вест, во сообраќајка кај Росоман се случила страшна сообраќајна незгода, во која две лица го загубиле животот, а повеќемина се повредени.
Екипа на КТВ телевизија од Кавадарци била на лице место и фотографиите кои ги направила се вознемирувачки.
-Во тешката сообраќајка кај Камен Дол две лица се починати и тројца тешко повредени. Во сообраќајката учествувале четири возила. Интервенираа три екипи на итната медицинска помош Кавадарци ни потврди д-р Ратко Грков, началник на брзата помош.
„Кај две лица лекарите констатираа смрт на самото место, а тројца повредени беа транспортирани во Општа болница Кавадарци, од каде се препратени во клиничкиот центар“ информира д-р Грков.
Поради сериозното оштетување на возилата во извлекување на повредените интервенирала и противпожарната единица од Кавадарци.
