Драги родители и идни мајки, dm и Матрона со големо задоволство најавуваат дека на 9 април ќе се одржи седмата обука од Караванот на мајчинство, организиран од dm во соработка со Матрона. Оваа обука е одлична прилика за сите да се запознаат со важни теми кои ќе помогнат во одгледувањето на најмалите на најздрав начин.
Тема на обуката
„Здрави навики во исхраната кај малите деца, значењето на оралната хигиена кај трудници и грижа за првите млечни запчиња“
На оваа обука, учесниците ќе имаат уникатна прилика да слушнат од два врвни експерти во своите области:
- Д-р Марина Поп Лазарова, неонатoлог, која ќе сподели мудрости за правилната исхрана на децата
- Спец. д-р Бојан Ангеловски, стоматолог, кој ќе истакне важноста на оралната хигиена и грижа за првите млечни запчиња.
Зошто да учествувате?
Како родители, вашата улога е клучна во развојот на децата. Оваа обука ќе ви понуди практични совети и знаења кои ќе помогнат во создавањето на здрави навики во исхраната и во грижата за оралното здравје на вас и вашите деца.
Како да се пријавите?
Присуството на обуката е бесплатно, но е потребно да се пријавите на [email protected].
Од компанијата велат дека во наредниот период се планирани и други слични обуки. Интересот и учеството на родителите се особено важни, за сите заедно да создадеме здрава и среќна иднина за децата!
