Товарен авион Боинг 737-400 што пренесувал нарачки на DHL и летал од германскиот град Лајпциг кон главниот град на Литванија – Вилнус, се урна во близина на куќа, изјави градоначалникот на Вилнус, Валдас Бенкунскас.
Несреќата се случила на околу 4 километри од аеродромот во Вилнус. Спасувачките екипи реагирале на местото на настанот. Од урнатините на авионот извлекле еден од двајцата пилоти, кој бил жив и свесен, но по неколку минути починал од повредите здобиени во несреќата.
A DHL cargo plane has crashed into residential homes near Vilnius, Lithuania. pic.twitter.com/HlEB3JPDeQ
— Russian Market (@runews) November 25, 2024
Во авионот на компанијата Свифтер имало вкупно двајца пилоти и двајца вработени во „DHL“. Се трага по едно лице кое патувало во авионот.
Нема загинати од лицата кои биле во близина на куќата каде се урна авионот. Наредена е евакуација на 12 лица кои живееле во близина на несреќата.
VIDEO: DHL PLANE CRASH IN VILNUS
At 5:28 a.m. in Vilnius, near the airport, a DHL (Swift Air) cargo plane (EC-MFE) en route from Leipzig crashed into a two-story residential house. The house was engulfed in flames, but thankfully, no residents were injured. https://t.co/gevN2AEhIb pic.twitter.com/albPA7d2S4
— Russian Market (@runews) November 25, 2024Инцидентот бил пријавен во спасувачките екипи во 5.28 часот. локално време. Авионот се приближувал до аеродромот во Вилнус за да слета таму кога се случила несреќата.
На крајот на август, германските безбедносни власти почнаа да предупредуваат за „неконвенционални запаливи средства“ што ги испраќаат непознати лица кои користат даватели на услуги за пратки. Во тоа време, домашната разузнавачка агенција на Германија, позната по нејзиниот германски акроним BfV, и Федералната канцеларија за криминалистичка полиција (BKA) издадоа соодветна тревога до компаниите во авијацискиот и логистичкиот сектор.
Предупредувањето, наводно, било поврзано во безбедносните кругови со инцидент во логистичкиот центар на DHL во Лајпциг, кој служи како глобален центар на компанијата каде во јули таму се запалил пакет испратен од балтичките земји, во кој наводно имало запаливо средство.
DHL plane crashes into homes near Vilnius, Lithuania, sparking fire#planecrash #DHL pic.twitter.com/4CV12nLGTd
— Xnews_with_Grok (@Xnews_with_grok) November 25, 2024Во предупредувањето од BfV и BKA не се споменува Русија. Сепак, безбедносните кругови, наводно, не ја исклучуваат можноста за поврзаност, со оглед на зголемените случаи на руска саботажа во Германија.
Нема првични информации за каква било поврзаност помеѓу денешната несреќа и можна саботажа. МИА
