Како бомба одекна веста дека пејачот Александар Вуксановиќ познат како Аца Лукас се иселил од луксузен пентхаус вреден 500.000 евра и го напуштил Белград, а потоа стигна и неговата потврда дека последните неколку месеци живее во Војводина, пишуваат српските медиуми.
Од засега непознати причини, фолкерот изнајмил куќа во Сремска Каменица, а пред настапот во метрополата објаснил дека сака поопуштен и побавен живот, како на пример во Нови Сад.
„Во Нови Сад е одлично. Таму сум неколку месеци, атмосферата е многу полесна. Велат дека во Нови Сад една секунда трае 40 секунди. Животот ми е помирен, поубав и без стрес – изјави за Телеграф.рс, осврнувајќи се на дуетот со Мирослав Илиќ:
Убава идеја, ми се допадна песната, имавме одлична енергија заедно. Се познаваме со години и конечно дојде време за заедничка соработка. Мирослав е одличен како соработник.
Засега не се знае што се случува со пентхаусот од кој заминал фолкерот.
Станот на пејачот Аце Лукас неколку пати беше во центарот на вниманието, почнувајќи од тоа како го купил, на чие име е регистриран, па се додека извршителите не тропнале на вратата.
Пејачот никогаш не криел дека позајмил половина милион евра од Саша Поповиќ за да купи стан, а само кога ќе го исплати долгот станот станува сопственост на пејачот, што наводно и го направил. Како што се шпекулираше во медиумите, пентхаусот бил платен 500.000 евра и, судејќи по мебелот, не бил поштеден трошок за негово опремување.
