Тригодишно дете од Германија починало откако неговите родители со денови го држеле во подрум, а потоа безживотното тело го фрлиле во канал.
Резултатите од обдукцијата покажале дека детето ја вдишало содржината од стомакот во белите дробови, поради што починало. Откако родителите го пронашле нејзиното безживотно тело, телото наводно го ставиле на количка и го пренеле до каналот каде што го фрлиле детето, пренесува телеграф.рс.
Родителите Саша (40) и Маја В. (39) се под истрага за убиство, но германската полиција истражува уште неколку лица.
Седум вработени во градот Динслакен сега се под истрага, пренесува Билд.
„Постои сомнение за убиство од небрежност“, изјави портпаролот на јавното обвинителство во Дуизбург. Тие се вработени во социјалната служба.
За да се прошири истрагата, јавниот обвинител рече дека има индиции дека и претходно биле загрозени деца. Домашна посета имаше и од надлежните институции, но прашање е дали тогаш правилно постапиле одговорните градски власти.
Билд пишува дека мора да се истражи што е направено по информациите за загрозување на децата и домашната посета, а што не.
Таткото на девојчето Саша рекол дека на телото на детето закачил тегови и телото го фрлил во канал во близина на Оберхаузен.
Телото на девојчето било пронајдено набргу потоа.
Саша и Маја се во притвор, а обвинителите тврдат дека и двајцата го малтретирале детето и на крајот го убиле.
