Без разлика дали се работи за чоколадо или солени чипсови, секој понекогаш копнее по некој нездрав оброк.
Сепак, ултра-обработената храна не е ограничена само на работите што ги јадеме повремено. Вклучува и виршли, леб, јогурти со овошни вкусови, дури и супи од кесичка.
„Таа храна е поврзана со повеќе смртни случаи ширум светот отколку тутунот“, предупреди д-р Крис Ван Тулекен во подкастот на Дневникот на извршниот директор.
„Јадев типична западна храна и се здебелив многу. Западнав во маѓепсан круг на прејадување, анксиозност и несоница. Да продолжев така една година, ќе ја удвоев телесната тежина“, додаде тој.
Докторот истакнува дека ултра преработената храна е нездрава, но и создава зависност, исто како и пушењето.
„Зголемената потрошувачка на ултра-обработена храна е поврзана со кардиоваскуларни болести, рак, висок крвен притисок, заболување на замастен црн дроб, воспалителна болест на цревата, депресија, покачени масти во крвта, синдром на нервозно дебело црево и деменција“, предупреди тој.
Најлошо од сè е што луѓето со ниски приходи се принудени да јадат ултра-обработена храна бидејќи е евтина.
„Кога би се ослободиле од сиромаштијата, би се ослободиле од околу 60 проценти од проблемите на болестите поврзани со исхраната“, вели д-р Ван Тулекен, цитиран од Индекс.хр.
