Руската Федерална агенција за воздушен транспорт потврди дека шефот на Вагнер, Евгениј Пригожин загинал во авионот што денеска се урна во областа Твер.
Сепак, многу аналитичари сметаат дека треба да се внимава на веста за неговата смрт и дека е можно тоа да е трик на лидерот на Вагнер, пренесува блиц.рс.
Кир Гилс, експерт за Русија во тинк-тенкот за меѓународни прашања Чатам Хаус, повика на претпазливост во врска со извештаите за смртта на Пригожин.
Како што тврди тој, „неколку поединци ги промениле имињата во Евгениј Пригожин, сето тоа како дел од неговите напори да ги скрие своите патувања“.
-Да не се чудиме ако наскоро се појави во ново видео од Африка – изјави господинот Џајлс.
Пригожин се најде во центарот на вниманието на јавноста кога водеше бунт во Русија и поради тоа му беше советувано да „не се наведнува низ прозорецот“.
Како што претходно објавија медиумите, Прогожин бил предупреден да не влегува во високи згради по востанието од страв дека нешто ќе му се случи откако тој го предводеше пучот со намера, меѓу другото, да ги собори министерот за одбрана Сергеј Шојгу и началникот на Генералштабот на руските вооружени сили Валериј Герасимов.
Познато е дека користел двојници како дел од неговите детални безбедносни мерки.
