Советот за казниви дела при Врховниот суд на Република Северна Македонија на седницата одржана на ден 29.03.2023 година одлучуваше по поднесените барања за вонредно преиспитување на правосилна пресуда по предметот познат во јавноста како „Јавна соба“.
– Советот за казниви дела при Врховниот суд на Република Северна Македонија донесе пресуда Квп2.бр.23/2023 со која барањата за вонредно преиспитување на правосилната пресуда на Основниот кривичен суд Скопје К.бр.1851/21 од 11.03.2022 година и пресудата на Апелациониот суд Скопје КЖ.бр.588/22 од 24.11.2022 година, ги одби како неосновани, информираат од Врховен суд.
Случајот се однесува на девојки кои беа жртви на таканаречената „Јавна соба“ на Телеграм во 2020 година.
Со прикриен идентитет членовите на групата си разменувале телефонски броеви и експлицитни фотографии од девојки. Првата група наречена „Јавна соба“ бееше згасната, но други лица основаа друга група со истото име, во кое споделуваа броеви од жени и девојки со разголени фотографии.
