Премиерот Христијан Мицкоски денеска најави дека за неколку часа ќе биде соопштена убава вест, непрезицирајќи за каква вест се работи.
– Почекајте, за неколку часа ќе дознае македонската јавност, изјави Мицкоски на новинарско прашање дека вчера најавил убава вест за државата.
Мицкоски, кој во Тирана учествува на Самитот на европската политичка заедница, во однос на нашите евроинтеграции рече дека очекувањата се Европа да се држи до своите принципи.
– Тоа се еворопските вредности, билатералните прашања да се надвор од процесот на пристапување, да се суди според постигнувањата, реформите и Копенхашките критериуми. За жал, Македонија е единствената земја која е жртва на билатералните прашања како што ниту една држава која пристапувала, пристапила или допрва ќе пристапи, рече Мицкоски.
