Рускиот претседател Владимир Путин покажа дел од станот каде што живее, a којшто се наоѓа во близина на неговата претседателска канцеларија во Кремљ. Снимките се дел од новиот документарец, продуциран од телевизискиот канал „Русија 1“.
– Да, ова е тој стан. Како што можете да видите, не е далеку, му вели Путин на новинарот Павел Зарубин во објавената куса видеоснимка.
Putin showed his apartment in the Kremlin.
Propagandist Pavel Zarubin showed footage from the documentary about Putin, which will be released soon.
Several frames of the video show gilding, moldings, massive curtains, a white grand piano, and a portrait of Emperor Alexander… pic.twitter.com/oAx6pYAMIr
— Anton Gerashchenko (@Gerashchenko_en) May 1, 2025Според воведните снимки, во станот може да се видат бело пијано, портрет на рускиот цар Александар Трети, библиотека и домашна црквичка. Путин додаде дека изминатите три години поминал најмногу ноќи во овој стан. Инаку, вели, ретко има можност да свири на пијано.
Пролетта 2023 година, Путин спомена дека разговарал со кинескиот шеф на државата Си Џинпинг во својот стан во Кремљ.
– Имавме работен ручек, а потоа, од учтивост го поканив претседателот во друга просторија. Имам стан тука, каде што деновиве минувам многу време. Па и работам тука, а и многу често преноќувам, па се преместивме таму. Седејќи покрај каминот, со чај, полека разговаравме за сè, раскажа тогаш Путин.
Рускиот претседател повеќепати говорел за своите простории каде што новинарите никогаш не биле.
