Ден откако американскиот претседател Донад Трамп објави царини од 54 отсто за кинеските стоки и производи кои ги вклучуваат и претходните давачки кои веќе се во сила, Кина соопшти дека ќе додаде царина од 34 отсто за американските стоки почнувајќи од 10 април.
Според кинеското Министерство за финансии, американските царини за кинески производи „не се во согласност со меѓународните трговски правила“. Поради тоа, портпаролот на Министерството за трговија изјави дека Кина, исто така, поднела тужба до Светската трговска организација (СТО).
-Тарифата наметната од САД „сериозно ги крши правилата на СТО, ги оштетува легитимните права и интереси на членките на СТО и го поткопува мултилатералниот трговски систем заснован на правила и меѓународниот економски и трговски поредок. Тоа е типична еднострана практика на малтретирање што ја загрозува стабилноста на глобалниот економски и трговски поредок. Кина цврсто се противи на тоа “, рече портпаролот.
