По нaјавата на Тамара Тодевска и Антонија Гиговска дека ќе одржат хуманитрни концерти, од кои профитот ќе биде наменет за настрaданите во Кочани се огласи протоереј Александар Стојаноски од тетовско-гостиварската епархија.
Тој во објава на Фејсбук напиша дека не е време за пеење и танцување, туку доколку сакат да помогнат може да донираат на сметките на семејствата преку Црвен крст.
-Се слушаат најави за хуманитарни концерти од некои пејачки, поконкретно од две, нема да ги именувам јавноста ги знае, за семејствата на загинатите во пожарот во Кочани, и тоа ни помалку ни повеќе во страсна седмица. Прво секој што сака и може да донира има сметки на кој може да се уплати, а можете и да ги побарате и лично да ги контактирате семејствата. И тоа е христијански однос. А концерт хуманитарен во страсна седмица?
Луѓе зар ќе танцуваме и пееме во време кога е Христос плукан, исмеван и распнат? Зарем место во црква ќе бидеме на концерти? И на крајот после се што се случи, некому му е до играње и пеење? Изгледа најважните, духовните лекции не ги научивме. И на крајот да не бидеме лешинари, ако сакаме тајно да помагаме , а не да стекнуваме публицитет на големи хуманитарци, пеејќи и играјќи на Велики Четврток и Велики Петок , само четири недели по страшната трагедија. Мислењето во овој став е лично мое и ги изразува моите лични ставови и согледувања, напиша протојереј Стојаноски.
