Група за сајбер криминал украла, а потоа препродала повеќе од 900 дигитални билети за концерти на американската пејачка Тејлор Свифт и други концерти на StubHub, соопшти обвинителството во Њујорк.
Окружниот обвинител на Квинс Мелинда Кац рече дека меѓународната измама вклучува луѓе кои работат во Јамајка за фирма договорена од онлајн пазарот за билети, објави АП.
Според обвинителите, криминалната група заработила повеќе од 600.000 долари меѓу јуни 2022 година и јули 2023 година.
Повеќето од украдените билети биле за концертите на Свифт, но биле украдени и билети за концертите на Адел и Ед Ширан, како и НБА игрите и тенискиот шампионат на САД опен.
Кац истакна дека истражителите сè уште го утврдуваат обемот на операцијата, вклучувајќи ги и другите потенцијални соучесници, пренесува B92.
