Во дворот на семејна куќа во близина на Вараждин, хрватската полиција пронајде закопани тела на две деца. Нивните родители се уапсени, соопшти вараждинската полиција, а тоа го потврди и градоначалникот на општина Љубешчица, Ненад Хорватиќ.
Хорватиќ за РТЛ изјави дека информацијата за тој страшен настан била добиена во вторник околу пладне.
„Отпрвин сите не верувавме дека вакво нешто е можно во нашата заедница“, рече Хорватиќ.
Тој рече дека се точни информациите што ги имала полицијата и дека вчера попладне во дворот од семејната куќа биле пронајдени две мртви тела, кои по ексхумација биле пренесени на понатамошно лекување.
„Според некои информации се работи за деца кои се родени во куќата во 2022 и 2023 година. Бебињата се пронајдени, но текот на истрагата ќе покаже колку години имале, како се случило, од што починале и што довело до сето тоа“, изјави Хорватиќ.
Двојката имала и постаро дете, девојче и припаѓале на религиозна секта. Станува збор за четиригодишно русокосо девојче кое според локалните жители „секогаш било чисто и средено“. Така, тие ги демантираат претходните информации дека детето било запоставено и неухрането.
„Полицијата ме праша колку деца има семејството. Им реков дека сум видел само едно, тоа девојче со многу долга коса“, раскажува соседот.
Тој додава дека жената ретко излегувала од дома и дека последен пат ја видел минатото лето. Беше бремена , вели соседот.
„Невенчаниот сопруг знае да шета низ селото во долга црна облека, а носи и долга брада. Не ја видовме сопругата. Еднаш дојде кај нас така облечен во каменоломот, но не разговараше со никого. Остана некое време и си замина. Според моите информации никој од нив не е вработен, а родителите на мајката, колку што знам, се професори во училиштата во Вараждин“, вели еден локален жител.
Локалните жители за медиумите изјавија дека семејството се преселило во Вараждин пред неколку години, а наводно живеело во изолација.
Според Јутарњи, родителите се декларирале како членови на христијанското религиозно движење Месијански Евреи. Двајцата се во притвор, каде што беа однесени, и додека се затврорени, ја читаат Библијата, не зборуваат и се молат, дознаваат хрватските медиуми.
Таткото е од Сплит, роден 1982 година, мајката е од Загреб. Немаат исто презиме. Според информациите, двајцата се запознале на обредите на сектата и се венчани според тие обреди.
Нивната куќа е последна во селото, а до неа води земјен пат. Има капела на околу 150 метри од нивната куќа, а сè е опкружено со шума.
Од шумата куќата е одвоена со дрвена ограда, а пред оградата се’ уште се гледаат трагите од багерот што полицијата го донесе вчера околу 13 часот и 30 минути за да ги ископа телата на децата, кои беа пронајдени околу 150 метри од самата куќа.
Агенции
