Во изминатите неколку дена бројни филмски работници ја откажаа соработката и емитувањето на проекти во кои глуми актерот осуден за педофилија Моамер Касумовиќ.
Во таа насока, еден од режисерите и продуцентите на филмот „Балканика“, чие снимање заврши годинава, Лука Мамуза откри дека нема да ја продолжи соработката, но и што планираат да прават со сцените во кои се појавува Касумовиќ, објави српски „Блиц“.
Филмот „Балканика“ е создаден како проект заснован на истоимената серија, а овој пат покрај старата актерска екипа, на едно место собра и бројни други актери од регионот, како Мирвад Куриќ, Александар Сексан, Дамир Кустура, но и Моамер Касумовиќ, за кого неодамна беше откриено дека во 2021 година бил осуден за развратни дела против малолетник.
Бидејќи снимањето заврши и филмот е во фаза на продукција, еден од режисерите и продуцентите Лука Мамуза за српски Блиц одговори дали планираат да ја прекинат соработката со Касумовиќ и што ќе прават со сцените во кои се појавува актерот.
„Целиот филм го снимавме во април, а сега дополнително снимивме само некои последни кадри. Така нашата соработка заврши. Она во што имаме среќа е што имавме малку материјал со Моамер. Затоа, тој не играше ниту еден лик во текот на целиот филм, па во моментов сме во процес на развој на дополнителен материјал за да видиме што ќе правиме со него и да ги отстраниме тие сцени“, рече Лука Мамуза.
Мамуза вели дека е шокиран од ова сознание, но бидејќи вложуваат сопствени средства во филмот, не можат целосно да ја запрат работата на проектот.
Филмот ќе трае повеќе од два часа и тие дошле до конкретни решенија за отстранување на тие сцени
„Не знам што друго да кажам. Во моментов работиме на исфрлање на сцените со Моамер , но тоа не зависи од нас“, рече Мамуза.
