Со службена картичка до бизонско филе, телешко карпачо и школки, Бисера Антоанета живеела раскошно на државен трошок. Антоанета платила 400 евра за вечера во Виена со народни пари, додека во Македонија илјадници семејства цел месец поминуваат со тие средства, се вели во денешната реакција на ВМРО-ДПМНЕ во врска со трошоци, како што тврдат, што ги направила поранешната министерка за култура Бисера Стојчевска Костадиновска.
„За само една вечера Бисера Антоанета потрошила повеќе од една минимална плата. Бисера Антоанета живеела во раскош и луксуз на државен трошок. И не е само вечерата од 400 евра, Антоанета за време на истиот престој во Виена трошела по 200 евра за ручек. Наместо да се однесува одговорно со државните пари, Бисера Антоанета трошела без пардон.
Бисера Антоанета е една од причините за ограбената држава. Денеска продолжуваме со нови сознанија од серијалот Бисера Антоанета“, најави ВМРО-ДПМНЕ.
