НВР информира дека вчера уапсиле маж од прилепско, кој се сомничи дека предизвикал пожар.
-На 12.08.2024 во 21.00 часот во с.Канатларци, прилепско, полициски службеници од ОВР Прилеп го лишиле од слобода Х.М.(29) од село Канатларци поради сомнение дека сторил кривично дело „предизвикување шумски пожар” по член 227 од Кривичниот законик. Тој се сомничи дека околу 19.00 часот кај место викано „Корија” во во атар на селото Канатларци предизвикал пожар во кој горела сува трева. Пожарот бил изгаснат од екипа на Територијалната противпожарна единица Прилеп, а повредени лица нема. Лицето било задржано во полициска станица и за настанот бил известен јавен обвинител. По целосно документирање на случајот против него ќе биде поднесена соодветна пријава, информираат од МВР.
