Како што веќе објавивме фирмата Еверест ЏД на Ахмети во период од 2016 до 2023 како концесионер на каменолом платила за 1.617.894 денари помалку за концесиски надоместок, од тоа што требало. Ова нема да било возможно без сега веќе обвинетите неколку лица вработени во Министерството за Економија под капа на Крешник Бектеши,рече Миле Лефков, член на ИК на ВМРО-ДПМНЕ и пратеник на денешната прес конференција .
-Важно е да се напомене дека оваа фирма на Ахмети лиценцата за експлоатација на минерални суровини ја добила во 2005 година, исто така во време на влада на СДС и ДУИ. За 11 години потоа исто во време на СДС и ДУИ, кога со Министерството за економија раководи кадар на ДУИ истата да може да експлоатира минерални суровини, без прецизно да ги наведе количините кои се ископани, а со тоа и да плати помалку кон Буџетот, рече Лефков и додаде:
-Очигледно е дека пипците на Ахмети оделе длабоку, па за непречено да работи Дрин, да копа колку сака, и плати колку сака, а не толку колку што мора, својата службена положба ја злоупотребиле Ф.Ч. (54) од Дебар, Е.Љ. од Теарце-Тетово, Ј.К. од Тетово, А.М. од Скопје, К.Ш. од Скопје, Ф.А. од Куманово, и Ф.Р. од Скопје. Истите заради постоење на основано сомнение дека сториле кривично дело „несовесно работење во службата”, се гонат по чл.353-в од КЗ. Доколку горенаведените постапеле согласно закон, концесијата за експлоатација на Дрин Ахмети требало да биде одземена, а тој да биде изведен пред суд по пријава на самото министерство. Но како министерството на Крешник Бектеши да го гони внукот на Ахмети, кој таму го поставил? Ова е моделот како СДС и ДУИ работеа со институциите, не за граѓаните, туку за своите семејства и блиски. Одговорност за ова мора да има, за никогаш да не се повтори, додаде тој.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)