Невремето во Тетово и тетовско не само што поплави улици, туку и домови.
ЦУк инфомира дека во село сиричино, општина Јегуновце има заглавено семејство.
-Во поплавена куќа во општина Јегуновце во село Сиричино има заглавено семејство. Тетовската ТППЕ работи на нивно извлекување, информираат од ЦУК.
Поради обилните врнежи од дожд проследени со град што ги зафатија скопскиот, тетовскиот и гостиварскиот регион на патниот правец Скопје – Тетово – Гостивар на места има одрони и помали свлечишта и тоа посебно од наплатна станица Глумово до Карпалак и Групчин.
-Кај наплатна станица Желино поради големи колчини на вода на самата рампа сообраќајот се одвива споро што доведува до создавање колони. Ги молиме возачите за стрпливост. Апелираме до учесниците во сообраќајот крајно внимателно да управвууват со возилата како и да ја прилагодат брзината спрема условите на патот. Екипите на ЈП за одржување на магистрални и регионални патишта се на терен и работат на расчистување на критичните места и нормализација на сообраќајот, информираат од ЦУК.
