Дополнителниот заменик министер за внатрешни работи Митко Бојмацалиев во интервју за ТВ Стар, запрашан за тоа дали била променета нарачката на обрасци во МВР, беше категоричен:
„Ако ги погледнете моите изјави изминатите денови и Фејсбук постовите, не е вистина дека некој нешто сменил. Се работи за уште една лажна вест. Ако ги земеме бројките од 29 јануари, до денеска, ќе видиме дека на самиот ден на примопредавање 50.000 обрасци, потоа уште 20.000 обрасци, доаѓаат 140.000 обрасци и до крај на неделата уште 85.000 обрасци, тоа е бројка од приближно 300.000 обрасци. Со тие обрасци, машините на МВР, со капацитетот кој го имаат слободно до крајот на мај, почеток на јуни секојдневно ќе може со фул капацитет по 3000 печатење, без застој… а на крај од мај, почеток на јуни ја добиваме и последната тура пасоши, од предвидени околу 2 милиони за промена на пасошите од Република Македонија во Република Северна Македонија. Потенцирам уште еднаш, во службите нема никаков хаос, нема никаква саботажа, службите внатре во МВР и претходно раководени од Спасовски го планираа ова и одлично менаџирано обрасците доаѓаат навремено и граѓаните ќе бидат услужени. Пак ќе кажам, некој го користи тоа за дневнополитички поени на штета на граѓаните”, рече Бојмацалиев.
Во однос на прашањето колку лични документи преостануваат за промена, Бојмацалиев рече:
„Возачките дозволи знаете дека го продолживме рокот. Тие можат граѓаните до крајот на годната да ги променат, тоа е помала бројка, и за личната карта важат до датумот кој е втиснат на личната карта. Одамна е демантирана таа работа дека ќе има казнување, или нема да можат луѓето да вадат плати, пензии, таа лажна вест не успеа. Кога зборуваме конкретно за пасошите, во државата кога сме го правеле целиот проект за промена на личните документи, кога се завршени сите законски процедури кои траеле неколку години, опструирани од одредени политички партии, во државата има 1.803.000 граѓани кои поседуваат пасош со Република Македонија. Кога е правена проекцијата за нарачката направена е на приближно 2 милиони. Досега, со овие што ќе дојдат 85.000 обрасци, ќе бидат 1.700.000. Пак ќе кажам, нема хаос, нема опструкции, има само работа од страна на МВР, од колегите во управните служби, кои искрено и посветено си ја работат целата работа во целиот овој процес”, рече Бојмацалиев
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
![Loading ... Loading ...](https://mms.mk/wp-content/plugins/wp-polls/images/loading.gif)