Теологот Александар Ѓорѓиевски во денешното гостување во емисијата „Стадион“ на Канал 77 се осврна и на вештачката интелегенција и технологијата во 21. век, потенцирајќи дека станува збор за неутрален статус, бидејќи сè зависи од тоа за што ние ќе ги искористиме ваквите напредни алатки.
- Ако технологијата се применува за пропаганда која е надвор од нашите традиционални вредности, тогаш излегуваме во јавност со цел да го демантираме таквиот став, но и да сугерираме дека на тој начин се излегува од вистинските патеки кон кои треба да се движат православните верници, потенцираше тој.
Според него, вештачката интелегенција не може да го замени православниот свет, бидејќи станува збор за „машина“ без емоции.
- Постојат професии кои не можат да бидат заменети од ваквата технологија. Особено не може да се замени православниот свет. Човекот не е механичко суштество, тој има дух и душа. Кога човекот ќе ги стави в предвид тие духовни и емоционални нијанси, кои не соодвестуваат на разумот, тогаш се прави разлика помеѓу разумот и срцето, односно душата, заклучи Ѓорѓиевски.
