Британскиот актер Ричард Френклин почина во сон на 87-годишна возраст.
„Ричард за жал починал во сон по тешката и долготрајна болест. Длабоко сме тажни поради неговата загуба, со задоволство ќе го паметиме по неговата великодушност, креативен дух и фантастично раскажување приказни“, напиша неговото семејство
Тој починал утрото на католички Божиќ. Веста за неговата смрт беше објавена на официјалниот профил на актерот на Икс (Твитер), објави „Сан“.
„Со голема тага, семејството на Ричард Френклин ме замоли да ја споделам веста за неговата смрт. Ричард почина мирно, во сон. Деталите за погребот ќе бидат објавени подоцна. Спиј добро, Ричард”, напиша неговиот близок соработник Лиам Руден.
Ричард Френклин ќе го паметиме по улогата како капетанот Мајк Јејтс од легендарната серија „Доктор Ху“, во која глумеше од 1971 до 1974 година. Потоа продолжи да се појавува во различни улоги, и на телевизија и во спин-оф поврзани со серијата „Доктор Ху“.
Тој играше и во неколку британски ТВ-програми од висок профил, вклучувајќи ги „Крстосница“ и „Емералд фарм“.
Тој беше и писател и ја објави книгата „Forest Wisdom: Radical Reform of Democracy and the Welfare State“, а има напишано и неколку романи.
