Поранешната свршеница на Метју Пери, Моли Хурвиц, се огласи по веста за смртта на актерот. Таа зборуваше за нивната врска, колку тој бил брилијантен и какви биле нивните заеднички моменти, пренесува курир,рс.
Метју Пери и литературната агентка Моли Хурвиц беа во врска од 2018 до 2021 година.
-Би сакала светот да зборува за тоа колку е талентиран. И навистина беше многу талентиран. Иако го сакав поинтензивно отколку што можев да сфатам, тоа беше комплицирано и предизвикуваше болка каква што никогаш порано не сум почувствувала. Никој немаше подлабоко влијание врз мене како возрасен од Метју Пери. Многу сум благодарна за тоа, за се што научив од нашата врска – напиша таа на Инстаграм и додаде:
-Се сетив како гледавме „Пријатели“ во 2021 година, додека ги гледаше сцените од шоуто, тој рече: „Срање, јас бев толку добар!!!.. Погледнете што направив таму?“. Ги премотувавме и ги проучувавме сцените. Нашата почит и ценење на хуморот беше нешто што нè обврза. Да се биде со него додека тој повторно ја откриваше неговата брилијантност беше магично. Мети, олеснување ми е што си во мир. Со почит, Мол-о-Рама (измислен лик).
Во 2020 година, актерот се сврши со Моли, за која рече дека е најубавата жена на Земјата. Тие раскинаа во 2021 година. Како што рече, понекогаш работите едноставно не функционираат.
