На подрачје на Бит Пазар вчера полициски службеници од Полициска станица Бит Пазар при СВР Скопје лишеле од слобода 16-годишник од Скопје., кој извршил кривично дело, кражба.
Како што информираат од МВР според пријавеното, малолетникот околу 15;30 часот во старата Скопска чаршија му одзел пари на турист од Сингапур, а одземените пари се пронајдени кај него и вратени на сопственикот.
-По целосно документирање на случајот од ЕВР Центар и Бит Пазар ќе биде поднесена соодветна кривична пријава за сторено кривично дело „тешка кражба на дрзок начин“, казнива по чл.236 ст.1 т.3 од Кривичниот законик, а против Д.Ј., мајка на малолетникот ќе биде поднесена кривична пријава „запуштање и малтретирање на малолетно дете“ казниво по чл.201 од Кривичниот законик, се наведува во соопштението.
