Полициски службеници од Секторите за внатрешни работи Скопје, Битола, Велес и Куманово вчера реализирале низа превентивни активности од области важни за локалната заедница и генерално од општ јавен интерес.
На подрачјето на СВР Скопје, односно во општина Сарај, соопштија денеска од МВР, била реализирана превентивна активност од областа на заштитата од пожари, а во тесна соработка со ЈП „Национални шуми“ и Шумската полиција. Идентична активност била реализирана и на подрачјето на СВР Битола, односно во Ресен, но од аспект на незаконската сеча на шумите.
На подрачјето пак, на СВР Велес фокусот на активности бил насочен кон сообраќајната безбедност, пред се на пешаците. На подрачјето на СВР Куманово, односно во Крива Паланка била спроведена активност за превенција од имотни деликти со посебен нагласок на едукативно информирање на повозрасните категории граѓани за формите на имотни деликти и за неопходноста од благовремена комуникација со полицијата за побрзо расчистување на случаите.
