Новак Ѓоковиќ и Карлос Алкараз во финалето во Синсинати им приредија спектакл за паметење на љубителите на тенисот.
Новак го совлада Алкараз по нереален пресврт 5:7, 7:6 (7), 7:6 (4) и ја освои 39. Мастерс титула во кариерата во меч кој ќе се прераскажува со години.
Тоа беше дефинитивно едно од највозбудливите финалиња во историјата на белиот спорт. Скоро четири часа (3 часа и 50 минути) Србинот и Шпанецот гинеа на теренот на големите жештини. Љубителите на тенисот имаа можност да видат грст атрактивни потези, нереални поени, драматични сцени, зачувани меч топки, пресврти и на крајот експлозија на емоции на тениските воини. Големото славење на Новак и солзите на скршениот Алкараз, пренесува курир.рс.
Бидејќи натпреварот започна доцна, многумина, за жал, не можеа да го проследат овој тениски спектакл во живо.
За сите вас кои го пропуштивте епското финале, но и за оние кои сакаат повторно да уживаат во магијата на Србинот и Шпанецот,погледнете ја видео компилација од најинтересните моменти од мечот за паметење!
