Италијански богаташ бил вербално нападнат од бесен келнер во Сен Тропе бидејќи му оставил бакшиш од „само“ 500 евра!
Италијанецот, чие име не се соопштува, бил нападнат од келнер на паркингот во ресторан во гламурозно одморалиште на француската ривиера и му рекол дека не дава доволно бакшиш. Келнерот побарал од клиентот да се врати во ресторанот и да плати уште 500 евра за да достигне минимална сума од 1.000 евра.
-Мислеше дека е дарежлив оставајќи 500 евра, но наместо тоа доби прекор. Келнерот му рекол дека не е доволно и дека може да се потруди уште малку да стигне до 1.000 евра бидејќи поконстантно се приближува до 20 отсто од вкупната сума на неговата сметка – изјавил пријател на италијанскиот богаташ за локалниот весник Nice Matin.
Италијанецот бил толку навреден од гестот на келнерот што наводно му рекол на својот пријател дека никогаш повеќе не сака да стапне во Сент Тропе.
Инцидентот ја означува растечката фрустрација за туристите кои патуваат во Сент Тропе, популарна дестинација за одмор на членовите на кралското семејство и богатите. Туристите велат дека некои ресторани бараат минимално трошење од 1.500 евра, додека во други делови на француската ривиера се очекува клиентите да потрошат најмалку 10.000 евра.
Локалните медиуми наведуваат и дека персоналот во ресторанот постојано ги проверува клиентите и ако не остават дебел бакшиш, нема да им дозволат повторно да резервираат маса.
Силви Сири, градоначалничката на Сен Тропе, вели дека ги поканила сопствениците на ресторани на состанок на крајот на летната сезона за да ја напуштат својата пракса и да ги пречекаат клиентите на подостоинствен начин.
Сири ја нарече ректирање практиката рестораните да резервираат маси само за клиенти кои се согласуваат на минимално трошење.
– Тоа е практика слична на изнуда – изјави Сири.
