Најмалку 36 лица загинаа во огромните шумски пожари што ја зафатија областа Мауи на Хаваите, соопштија денеска локалните власти. Се стравува дека бројот на жртвите би можел да биде поголем бидејќи некои луѓе одбиле да се евакуираат.
„Борбите продолжуваат, а денеска 36 лица загинаа како последица на пожарот во Лахаина. Засега нема други детали“, се вели во соопштението, пренесува Си-Ен-Ен.
North Kihei wildfire footage. Evacuation orders in place for Kihei east of Pi’ilani Highway. Prayers for everyone’s safety
VC: Clint Hansen #Wildfire #Maui #Kihei #Hawaii #Dora #HurricaneDora #Heatwave #Fire #Climate #Weather #Firefighters #Viral #ForestFire pic.twitter.com/G8QaekmoTh
— Earth42morrow (@Earth42morrow) August 9, 2023Пожарот уништи стотици објекти на Мауи, вклучувајќи домови и деловни објекти, а илјадници луѓе се евакуирани.
Заменик-гувернерката на Хаваи Силвија Лак претходно изјави дека „патот до закрепнувањето ќе биде долг“.
Жителите на островот објавија снимка од масовното уништување на социјалните мрежи.
New video shows a massive fire raging near homes in Maui, as an emergency proclamation has been declared for Hawaii and Maui counties over dangerous wildfires. https://t.co/2KsBGPjap4 pic.twitter.com/irg2TR4bPn
— ABC News (@ABC) August 9, 2023Историскиот град Лахаина е уништен до темел. Разорниот пожар, носен од ветрот, беше незапирлив и покрај напорите на пожарникарите и граѓаните кои се обидоа да ги спасат своите куќи и фарми.
„Веќе ја немаме Лахаина. Ја нема“, изјави жителот Марк Стефл за Си-Ен-Ен.
Градоначалникот на Лахаина, Ричард Бисен Јуниор, рече дека повеќето од пожарите на Мауи сè уште не се под контрола.
Властите ги советуваа туристите што поскоро да ги напуштат Лахаина и Мауи.
Спасувачите на американската крајбрежна стража извлекоа десетина луѓе од океанот кај Лахаина, откако скокнаа во водата за да избегаат од пламените јазици и чадот. Лица кои се здобиле со изгореници биле префрлени на островот Оаху.
Hawaii on fire: people rush into the water to seek safety from the fires. Fires in Hawaii, fanned by high winds, have burned many buildings around Maui, including the historic town of Lahaina. In several communities, they closed schools and evacuated people. And some local… pic.twitter.com/AFirl2ozuX
— Peacemaker (@jardacarda72) August 10, 2023Американскиот претседател Џо Бајден нареди да се стават на располагање сите расположливи федерални средства и им изрази сочувство на жртвите.
Гувернерот на Хаваите Џош Грин истакна дека нема доволно долгорочни засолништа и дека противпожарните засолништа се достапни само неколку дена. Тој побара од туристите да ја одложат посетата на островот.
Ситуацијата се влошува, огнот се уште се шири, поттикнат од неконтролираните ветрови кои произлегуваат од неодамнешниот ураган Дора кој помина над Хаваи.
