Вкупно 19 лица се приведени вчера поради нарушување на јавниот ред и мир пред и за време на фудбалскиот натпревар меѓу екипите на ФК „Шкупи“ од Скопје и ФК „Левски“ од Софија.
Како што соопшти МВР, 19 приведени биле навивачи од Република Бугарија. Од нив, осум лица се приведени за насилство на спортски натпревар, две лица за физички напад на полициски службеници кои вршеле службени дејства, а девет поради агресивно однесување кон нив.
По документирање на случајот против нив ќе бидат поднесени соодветни поднесоци.
Околу полноќ полициски службеници од СВР Скопје лишиле од слобода и двајца навивачи на навивачката група на ФК „Шкупи“, кои го нарушиле јавниот ред и мир со физичка пресметка. И овие лица се приведени и ќе се соочат со законски предвидените поднесоци.
Чаирчанка, нападнати две бугарски возила pic.twitter.com/bwkoYfXJ7e
— Зеко (@MeZnaesOdSank) July 27, 2023Од МВР информираат и за физичкиот напад врз четворица бугарски државјани. Според пријавата, настанот се случил вчера во 18.38 часот на улица „Цветан Димов“, при што бил употребен и остар предмет, а бугарскиот државјанин Д.А. се здобил со тешки телесни повреди.
– По преземени мерки и активности утврден е идентитетот на поголемиот дел од напаѓачите и се расчистува случајот, по што ќе бидат поднесени пријави, се наведува во соопштението од МВР.
Бугарите (фанови на Левски) пробале провоцирајќи да поминат преку Чаир, ама не им било така лесно 😆 😆 😆
*видеото го добив во порака pic.twitter.com/YY5yjue5fj
— Боемот 2.0 (@boemot_mk) July 27, 2023Повредениот Д.А. бил пренесен на Универзитетска клиника по хируршки болести „Св.Наум Охридски“ во Скопје и е во стабилна состојба.
