По вчерашното случување во Скопје, кога трет ден тоне во смет и по обвинувањата на градоначалничката Арсовска, утроо со соопштение се огласи и ВМРО ДПМНЕ.
-Деструктивна и криминална до коска, Арсовска веднаш да си даде оставка.Неспособноста на Арсовска беше закана за масовна зараза во Скопје, градоначалниците од ВМРО-ДПМНЕ и го чистеа ѓубрето.Со денови не се собира ѓубрето во Скопје поради неспособноста на Арсовска и градската власт.Вчера во текот вечерта и доцна во ноќта екипи формирани од градоначалниците на ВМРО-ДПМНЕ со екипи и механизација од градови од внатрешноста помогнаа значаен дел од ѓубрето наталожено со денови да се исчисти од улиците, велат од партијата.
Според ВМРО ДПМНЕ „неспособноста и примитивизмот на Арсовска немаат граница, а тоа се виде кога нејзиниот директор во ЈП Дрисла одбиваше да го прими ѓубрето однесено со камиони“.
-Фрустрациите на Арсовска веројатно одат до таму, што не само е неспособна, туку неможе да се носи со фактот што градочалниците од ВМРО-ДПМНЕ кои управуваат со далеку помали системи на локална организација успеаја да го решат проблемот кој таа го создаде, велат од партјата и додаваат:
-За фрустрациите и другите состојби на Арсовска и порачуваме, дека не можеме да и помогнеме, за тоа има други институции, но за Скопје е најдобро да си даде оставка, и тоа што побрзо.
