Нов протест за денеска попладне во 13 часот најави Оркестарот на Македонската Филхармонија. Пред Министерството за култура, ќе го искажат својот револт од како што велат, немањето на немаат конкретен одговор, ниту решение на проблемот кој настана со носењето на одлуката новоформираниот Џез оркестар просторно да биде сместен во објектот на Филхармонија.
-Иако Министерството за култура вети дека интензивно ќе работи на решение кое набргу ќе го сподели со сите засегнати, помина речиси месец и половина, а одлуката се уште не е променета. Во елаборатот за основање на НУ Џез оркестар, доставен до Владата (претпоставуваме изработен од Министерството за култура, иако на крајот од документот не стои ниту печат, ниту потпис) до кој што дојдоа вработените од Македонска Филхармонија врз основа на барање за пристап до информации од јавен карактер, никаде не пишува дека новоформираната институција ПРИВРЕМЕНО ќе биде сместена во објектот на Филхармонија. Напротив, објектот е ставен како најсоодветна опција за сместување на новата институција и дека ќе им ги понуди сите расположливи капацитети – канцеларии, гримиорни, студио на вработените во НУ Џез оркестар. Тоа значи дека јавноста и вработените во Филхармонија беа изманипулирани и излажани и од Министерството за култура и од ЗЏМ дека станува збор само за привремена адреса, и дека кога ќе застане на нозе, новата институција ќе добие нов простор, реагираат од Филхармонија.
Наспроти податоците од елаборатот, со одлука на Влада, сместувањето на НУ Џез оркестар сепак е со времен карактер.
Во Службен весник од 18 април објавена е владината одлука каде стои дека во Одлуката за основање на Национална установа „Оркестар за џез музика“ на Република Северна Македонија-Скопје („Службен весник на Република Северна Македонија“ бр.68/23), во член 3 став 2, по зборот „установа“, се додава зборот „времено“.